Galicia Ártabra Digital Noticias de Ferrol y la comarca de Ferrolterra.
A Copa de clubs de pista curta deixounos novamente á Sociedad Gimnástica de Pontevedra como mellor club galego na categoría masculina e ao Ourense Atletismo como o domiñador na categoría feminina nunha gran actuación das ourensáns que se impuxeron contra todo prognóstico na cita copera.
A Gimnástica suma e segue
O equipo masculino capitaneado por Victor Gallego, refrendou o papel de favorito acadando o título por décima primeira vez consecutiva.
Sin apenas sorpresas, os pontevedreses impuxéronse de maneira clara nun encontro no que sumaron 95 puntos e nos que lograron triunfos parciais prácticamente en todas as probas de anel, Gabriel de la Cruz nos 60 m; Sergio Rodríguez nos 200 m; Alexis Miguens nos 400 m.; Pablo Bocelo nos 1500 m., Carlos Porto nos 3.000 m. así como o triunfo de Raúl Cortizo na lonxitude.
A segunda posición con 78 puntos foi para o equipo do Real Club Celta logrando posto de podio o Lucus Caixa Rural galega nunha igualadísima loita co Atletismo Santiago á quen superaría por apenas medio punto.
O Ourense Atletismo protagonizou a gran sorpresa da Copa
O equipo femínino do Ourense Atletismo foi sen lugar a dúbidas a gran sorpresa do campionato de Copa ao lograr o triunfo nun axustadísimo resultado por diante da Gimnástica de Pontevedra a quen superaba nun encontro de infarto por 82,5 a 82 puntos .
As ourensás moi motivadas ao longo de todo o encontro, cimentaron o seu resultado grazas a súa gran regularidade na que tan só Andrea Reija en valos e Manuela Blanco en pértega lograban os títulos parciais. Xunto elas o equipo de As Burgas sumaba cinco segundos postos e tres terceiros que xunto ao resto de actuacións, contribuiron ao título ourensán.
A Gimnástica de Pontevedra e o RIA Ferrol, completaron postos de podio nunha clasificación na que o campión do ano pasado, o A.Feminino Celta remataba cuarto.
Categoría Feminina: 1º Ourense Atletismo. 2º Sociedad Gimnástica. 3º Ría Ferrol. 4º A.Femenino Celta. 5º Atletismo Narón. 6º Lucus Caixa Rural Galega. 7º ADAS CUPA. 8º Atletismo Santiago
Categoría Masculina: 1º Sociedad Gimnástica. 2º Atletismo Celta. 3ºLucus Caixa Rural Galega. 4º Atletismo Santiago. 5º Marineda Atlético. 6º Atletismo Sada. 7ºAtletismo Narón. 8º Ourense Atletismo
