Galicia Ártabra Digital Noticias de Ferrol y la comarca de Ferrolterra.
Según manifiesta en un comunicado o BNG de Narón: «No ano 2015 a senda fluvial ía contar, segundo o anunciado polo propio concello de Narón, con senda peatonal, carril bici e dúas áreas de esparcimento. Hoxe hai unha soa senda para compartir peatóns e bicis e non se proxecta ese parque infantil» . Alertan además «de que realizando o paseo atopáronse desperfectos como bancos xa oxidados; pólas de árbores cortadas non retiradas nas beiras e moitos tipos de plásticos» e Reivindican tamén o espazo para un parque infantil reclamado pola asociación veciñal de Piñeiros.
“Cando se adxudica unha obra é importante que mentres se realice se comprobe o estado. Nós atopámonos hoxe bancos oxidados e , se na licitación anunciaban retirar especies alóctonas por autóctonas, o que vimos é as árbores e prantas de ribeira cortadas para realizar a senda tiradas na beira do río; moita suciedade e , habendo espazo ao final da senda na área de esparcimento , finalmente non se proxecta ese parque infantil nun barrio que conta con 500 vivendas e non ten unhas instalacións para nenos e nenas ao xeito” reclama a candidata á alcaldía do BNG de Narón, Olaia Ledo “non imos falar xa de que a fonte instalada non bota auga porque entendemosque iso, cando se innaugure, xa estará conectado pero pensamos que o concello ten que reclamar solucións e cambiar os desperfectos antes de dar obra por entregada” incide Ledo.
Por todo isto, persoas do BNG, foron na mañá do luns 27 de marzo á zona onde reivindican ese parque infantil que se uniría a outros proxectos da área e no reivindican desde o BNG que hai espazo “estamos nunha zona tranquila e iso é idóneo para ter unha zona onde os nenos e nenas poidan xogar libremente, un espazo público para todas as idades, iso é o que queremos” afirman desde o BNG. O lema usado son “investimentos xa” “porque a senda precisa mellora e para o parque infantil un proxecto xa”.
