Galicia Ártabra Digital Noticias de Ferrol y la comarca de Ferrolterra.
O Concello de Narón abrirá o vindeiro martes, día 6 de setembro, o prazo para solicitar axudas financieiras de emerxencia para adquisición de material didáctico e escolar, dirixidas a familias con fillos matriculados en segundo ciclo de Infantil, educación Primaria, Educación Secundaria Obrigatoria, Bacharelato, Formación Profesional e Educación Secundaria de Adultos, en función da renda da unidade de convivencia.
As concelleiras de Benestar Social, Catalina García, e Ensino, Mercedes Taibo, indicaron que as solicitudes para as axudas correspondentes do curso 2022-2023 poderán solicitarse ata o 30 de abril do curso corrente.
No caso dos vindeiros cursos escolares as solicitudes poderán presentarse a partir do 1 de xullo de cada ano ata o 30 de abril do curso corrente.
As solicitudes poderán entregarse conforme ó modelo do Concello no Rexistro Xeral do Consistorio, de luns a venres entre as 8.30 e as 13.00 horas, na Sede Electrónica ou por calquera outro medio previsto no artigo 16 da Lei 39/2015, de 1 de outubro, do Procedemento Administrativo Común das Administracións Públicas.
As persoas interesadas en solicitar máis información sobre as persoas beneficiarias destas axudas, a documentación a presentar ou o impreso de solicitude poden dirixirse ó Rexistro Xeral de entrada do Concello ou ó Servizo Sociocomunitario Municipal, no primeiro andar.
