Galicia Ártabra Digital Noticias de Ferrol y la comarca de Ferrolterra.
O Triatlón Ferrol contará con 15 deportistas en total no Tríatlon Cidade de Pontevedra e con opcións de podio por clubs en categoría feminina e masculina.
Porque Carmen Gómez, despois do seu regreso tras lesión nas dúas últimas xornadas da Liga de Primeira, está a recuperar a forma perdida e ten nivel suficiente para optar ao triunfo en Pontevedra. Con ela, a cadete ferrolá Carmen Jiménez e Laura García loitarán por estar entre os mellores equipos da proba. E por outra banda, unha medalla indiviual sería unha proeza para os canteiráns Marcos Ruiz ou Iván Puentes, tendo en conta que se enfrontarán a internacionais como Luismi Velásquez ou Pablo Dapena, pero si é posible meterse no podio por clubs dado que forman un grupo regular que se completa con David Campos, Miguel Benavent, Jorge Morado, Pablo Pedrosa e Roberto Martínez.
A maiores, todos buscan a clasificación para o campionato galego que se celebrará en Ferrol o 21 de agosto.
O conxunto departamental estará tamén representado por Manu Pita, Pablo Sanjurjo, Ricardo Fernández, Borja Catrufo e Álvaro Ordiales na proba do circuíto galego sen límite de tempo para rematar.
