O PSOE critica a renuncia do goberno local a remunicipalizar o contrato eléctrico

Os socialistas de Ferrol critican a decisión de Ferrol en Común de manter a privatización do subministro do servizo eléctrico, mediante a adxudicación na Xunta de Goberno deste martes 2 de xaneiro, do contrato correspondente, en contra do seu propio programa electoral. O goberno local retrasou aproximadamente un ano a adxudicación do “contrato ponte”, sen mover un papel para facer efectiva a remunicipalización; de feito, «a retrasaron deliberadamente para que resolvan esta situación os que gobernen no ano 2019«.

Para os socialistas, Ferrol en Común decidiu manter privatizado o servizo eléctrico, «e tomou esta decisión de xeito unilateral, rexeitando o apoio que publicamente manifestoulle o grupo municipal socialista para remunicipalizar este servizo«.

Esta decisión para os socialistas «demostra pola vía dos feitos a falsidade da idea constantemente repetida, de que a inactividade do goberno municipal débese á falta de colaboración da oposición. Neste, como noutros moitos casos, o goberno local de Ferrol rexeita apoios garantidos para cumprir os seus compromisos electorais, e tomar libremente iniciativas en sentido contrario«.