Arranca o Torneo de Pádel Concello de Cabanas coa participación de 29 parellas

A área recreativa e deportiva da Veiga será escenario, a partires deste venres pola tarde, dunha nova edición do Torneo de Pádel Concello de Cabanas. 10 parellas na categoría feminina; 11 na masculina e 8 en mixto disputarán a competición organizada pola Concellería de Deportes.

A competición arrancará hoxe ás seis do serán e disputaranse partidos tamén o sábado a partir das 16,30 horas, así como o domingo. Por último, sinalar que o campionato de pádel de Cabanas continuará ao longo da próxima semana e as finais disputaranse o domingo 18.