Galicia Ártabra Digital Noticias de Ferrol y la comarca de Ferrolterra.
Unhas 150 persoas participarán este domingo 29 na sétima andaina do programa municipal Ponte en Ruta con nós, organizado polo Concello e a empresa Arasti Barca.
Coñecemos Narón é o percorrido da xornada, na que os asistentes tratarán de coñecer o maior número de parroquias da localidade posible nun tramo de aproximadamente vinte quilómetros. A saída será do pavillón polideportivo da Gándara, e os camiñantes deberán estar nas inmediacións das citadas instalacións deportivas ás 8:45horas.
O programa Ponte en ruta con nós iniciouse o pasado mes de novembro. Desde entón, cada convocatoria reuniu a decenas de persoas que se sumaron a este evento deportivo, pensado para gozar do deporte ao aire libre e, ao mesmo tempo, para coñecer máis polo miúdo diferentes puntos do municipio naronés.
A participación no programa ten un custe de tres euros, cantidade coa que se sufragan os gastos derivados do transporte en autobús ao punto de inicio da ruta e de regreso unha vez rematado o percorrido. Os camiñantes realizan unha parada para tomar un refrixeiro e reciben un agasallo en recordo da súa participación.
